ANORMALTASUN HUTSA

Ez dago bezeroentzako egunkaririk nire ohiko kafetegian. Orain, irakurri nahi izanez gero, zeurea ekarri behar duzu. Beraz, hemen nago berriro, nire ohiko mahaian, guztiz ondo desinfektatuta, kafea eta eguneroko prentsa erosi berriarekin. Kafearen prezioa bost zentimotan igo da. Orain konfinamendu aurretik baino jende gutxiako ikusten da hemendik goizeko ordu honetan. Mahai gutxiago daude eta bananduagoak . Kafea zerbitzatzen ari zitzaidan bitartean, Josek, zerbitzariak, eguneratu nau: "Arau eta abisu asko daude, bai, baina ezin zara egun osoan polizia lanetan aritu. Gainera, supermerkatuan maskararekin egon zaitezke erosketak egiten dituzun bitartean, baina azaldu diezadatela niri nola jaten edo edaten den maskararekin. Hau errusiar erruleta bihurtu da, eta ez dago besterik ".

Ohiko poteatzaile koadrila bat sartu da. Denek daramate musuko, baina batek ere ez beren lekuan. Hiruk lepoan daramate, besteak ukondoan. Irakurketan kontzentratzen saiatzen naiz, telebistak bolumen altuegia duen arren. Hainbat kiroletako solaskide Bartzelonaren egungo egoera aztertzen ari dira, horren inguruko ustezko kezka agertuz. Dirudienez, "aldagelak agintzen du eta taldeko izarrek ez diete jaramonik egiten entrenatzailearen aginduei, hidrataziorako etenaldietan ikus zitekeenez". Solasaldiarekin batera, azken jardunaldiko irudiak ere dira ikusgai. Estadioa "betetzen" duen publikoa zein bere erreakzioak "play-station" -etik aterata daude, baina bat-batean, jokaldiren bat errepikatzen dutenean, harmailak hutsik agertzen dira. Magia Potagia.

Poteatzaile koadrilak eta Jose hondartzari buruz hitz egiten ari dira. Zertarako hainbeste segurtasun neurri eta hainbeste festa bertan behera utzi, hondartzan mundu guztiak nahi duena egiten badu? Denek dute anekdota bat kontatzeko, denek ikusi omen dute zenbait gazte arauak toreatzen.

Nire ikusmena, oharkabean, galdu egiten da tokiko kristalen bestaldean dabilen bizitzan, udako eguzki eder baten azpian. Enarak iturri baten inguruan dabiltza hegan. Jubilatu bat ogi barra bat besapean duela pasatzen da erosketa-gurdia daraman emakume bat agurtzen. Atzealdean, haur talde bat ikus daiteke, zabuetako esparruan. Sarrera ekiditzeko erabili diren zinta zuri-gorriekin jolasean ari dira barre artean.  Haurren ustezko amek, metro gutxira dagoen terraza batean erretzen dute patxadaz begi bat umetan jarrita. Prentsak ez du arnasa hartzeko lekurik uzten: bertako infektatu berriak, Mexiko, Estatu Batuak, Brasil, Errusia, Alemania eta Txinako kimu berriak... Poltzikoan whatsappen abisua sentitzen dut. Ikusten dudanez, dagoeneko pilatuta dauzkat zenbait. Lambertok " Artistas del Gremio”ko bideo bat bidali dit, Rafak Bumburyren ustezko plagioei buruzko artikulu bat... Aingeruk berri bitxi bat bidali dit: “Brianseko espetxeak gela desinfektatzaileak kendu egin dituzte, presoek kubatak egiteko erabiltzen zituztelako ". “Jon Alkatek” albiste kezkagarri bat bidali dit: "Userako (Madril) txinatarren dendak berriro itxi dituzte Pekinen agerraldiaren ondoren". Amaiak etxeranzko bidean erosketa batzuk egitea eskatzen dit  eta Kristinak erabat txiste mehatxagarri bat bidali dit: "Kontuz ibili egiten duzuenarekin, edo “El Duo Dinamico”  itzuliko da". Ez, mesedez, faborez, Jainkoarren!